💬كيف أدير الشكاوى والاقتراحات؟

كل رسائل زبائنك (من المنيو وصفحة الطلب والتقييم المنخفض) توصل "الشكاوى والاقتراحات" في لوحتك مع رقم طلبها إن وجد. خاصة وما تنشر.

النشر قرارك: إذا الزبون سمح بالنشر يطلع لك زر «انشرها في صفحتي» — الاقتراح والشكر ينشرون مباشرة، والشكوى بعد ما ترد عليها، فتظهر مع ردك في منيو مطعمك تحت «📣 الشكاوى والاقتراحات». تقدر تخفيها متى شئت، وما تقدر تعدّل كلام الزبون، والعاجلة ما تنشر.

الشكوى العاجلة (حساسية، شيء غريب في الأكل…) تطلع أول القائمة بإطار أحمر مع تنبيه صوتي — تواصل مع الزبون فوراً.

اكتب ردك واضغط "إرسال الرد وإغلاق": يظهر للزبون في رابط المتابعة وتوصله إشعار لو كان عضواً. وتقدر تضيف كود تعويض (10–30%) مربوط برقمه يصرفه مرة واحدة خلال 30 يوم.

فوق الصندوق تشوف أكثر موضوع يشتكون منه هالشهر ومتوسط سرعة ردك. الشكاوى العاجلة اللي ما ينرد عليها خلال 24 ساعة تظهر لفريق مينوفا.