مركز المساعدة

🏅ما هو "رانك مينوفا"؟ وكيف أترقّى؟

رانك مينوفا عضوية مجانية مربوطة برقم هاتفك، فيها 7 رانكات: آيرون، برونز، سلفر، قولد، بلاتينيوم، دايموند، ماستر. رانكك يمشي معك في كل مطعم على مينوفا. لكل رانك 3–4 مهام بسيطة: تكمل طلبات، تجرّب مطاعم مختلفة، تقيّم، تدعو صديق. تكملها كلها = تترقّى فوراً ويوصلك إشعار. يُحسب الطلب المكتمل فقط بحد أدنى 15 درهم وبحد 3 طلبات في اليوم، وكل المهام خلال آخر 12 شهر. إذا نقص نشاطك عندك 30 يوم تحافظ على رانكك قبل ما ينزل درجة. المطاعم المشاركة تعطي مزايا لكل رانك (خصم أو هدية)، وتُطبّق تلقائياً على طلبك وأنت مسجّل. شوفها في صفحة "رانكي".

🏷️وش هو رقم العضوية؟ ومن هم الأعضاء المؤسسين؟

مع أول طلب مكتمل على مينوفا تاخذ رقم عضوية ثابت للأبد، مثل #0427. أول 1000 رقم هم الأعضاء المؤسسين: يبدؤون من برونز، وما ينزلون عن سلفر أول سنة، وشارة "مؤسس" برقمهم تطلع جنب رانكهم في كل مطعم. بعد اكتمال المؤسسين، كل عضو ياخذ رقمه بالترتيب من #1001. تقدر تختار يظهر اسمك الأول في قائمة المؤسسين العامة أو لا.

🎖️وش هي الأوسمة؟ وكيف أحصل عليها؟

الأوسمة تمنحها مراكز مينوفا فقط بعد تحقق بشري — ما تنكسب بالطلبات ولا يمنحها مطعم. VIP: لكبار الشخصيات بدعوة من مينوفا. موثّق: لصنّاع المحتوى، تطلبه من صفحة "رانكي" ويتواصل معك مركز مينوفا لموعد تحقق قصير. الناقد وسفير مينوفا: بترشيح من مينوفا. أنت تختار كيف يظهر وسامك لكل مطعم: ظاهر، أو متحفّظ (المطعم يعرف إنك ضيف مميز بدون اسمك)، أو مخفي. تغيّره من إعدادات الوسام في حسابك، ولكل مطعم على حدة. الوسام صالح سنة ويجدده المركز. ما نصوّر الهويات ولا نحفظ نسخ منها.

⭕ما هي "الحلقة"؟ وكيف أحصل على هديتي؟

كل مطعم يفعّل الحلقة يحدد عدد زيارات (مثلاً 5) وهدية (مثلاً حلا مجاني). كل زيارة تملأ جزءاً من حلقتك، وعند اكتمالها تصلك الهدية. تُحسب الزيارة تلقائياً إذا طلبت وأنت مسجّل برقم هاتفك، أو بالضغط على "تحسب لك الزيارة؟" في صفحة طلبك. زيارة واحدة يومياً لكل مطعم، ومن طلب مكتمل ومدفوع فوق الحد الأدنى إن حدده المطعم. عند اكتمال الحلقة نسألك: "لك أو لمن تحب؟" — خلها لك، أو أهدها لرقم شخص تحبه فتصله على الواتساب. لصرف الهدية اعرض الرمز المكوّن من 6 أحرف للكاشير. الهدية تُصرف مرة واحدة، ولها مدة صلاحية يحددها المطعم. كل بطاقاتك ومكافآتك في صفحة "بطاقاتي".

📍كيف أجد مطعماً قريباً مني أو طبقاً معيّناً؟

افتح صفحة "المطاعم" واكتب اسم المطعم أو الطبق (مثل: شاورما، برجر) أو اسم المنطقة — نبحث في أسماء المطاعم وأصناف المنيو معاً. اضغط "الأقرب لي" ليرتّب الدليل المطاعم حسب المسافة منك، مع وقت تقريبي بالسيارة. إن لم ترغب بمشاركة موقعك اختر مدينتك من الفلاتر. استخدم الفلاتر: مفتوح الآن، استلام، توصيل، عزيمة، حجز طاولة، والمفضلة. وبدّل إلى "خريطة" لرؤية المطاعم حولك. الرفوف أعلى الدليل تختصر عليك: ⚡ عروض الحين، 🏆 دوري النجوم، 🎁 جرّب بخصم (أول طلب)، 🔥 عليه طلب، و✨ جديد — كل رف بعدد حي. "استلام متاح الآن" يعني أن المطعم متصل ويستقبل الطلبات المسبقة في هذه اللحظة. إن لم يظهر، فالمطعم مشغول أو قرب الإغلاق — جرّب لاحقاً أو اطلع على المنيو. اضغط ♡ لحفظ مطاعمك المفضلة، وستجد المطاعم التي زرتها مؤخراً أعلى الصفحة. هذه القوائم تُحفظ على جهازك فقط.

🔒هل تحفظون موقعي عند استخدام "الأقرب لي"؟

لا. المتصفح يطلب إذنك أولاً، والمسافات تُحسب على جهازك داخل الصفحة. لا نرسل موقعك إلى خوادمنا ولا نحفظه ولا نشاركه مع المطاعم. يبقى الموقع في ذاكرة الصفحة حتى تغلق المتصفح، ويمكنك إلغاؤه في أي وقت بالضغط على زر الموقع مرة أخرى. موقع التوصيل الذي ترسله بنفسك عند طلب التوصيل شيء مختلف: يصل للمطعم فقط لتوصيل طلبك.

🍽️كيف أطلب وأنا جالس على الطاولة؟

امسح رمز QR الموجود على طاولتك بكاميرا الجوال، فيفتح المنيو ومعه رقم طاولتك. اختر أصنافك ثم اختر طريقة الطلب: "ادفع الآن" فيصل طلبك للمطبخ فوراً، أو "أرسل للنادل" فيأتي النادل لطاولتك ليؤكده ثم يُرسل للمطبخ. تأكيد النادل يحميك ويحمي المطعم من الطلبات الخاطئة أو من طلب شخص آخر باسم طاولتك. إن لم يظهر زر الطلب، فالطلب في هذا المطعم عن طريق النادل: اضغط "اطلب النادل".

🚗كيف يعمل الطلب المسبق للاستلام؟

اختر "استلام" في السلة وسجّل دخولك برقم هاتفك (يصلك رمز على الواتساب). اختر متى تصل (مثلاً بعد 15 دقيقة)، ويبدأ المطبخ التحضير قبل وصولك ليكون طلبك طازجاً وساخناً. الدفع مسبق بالبطاقة أو Apple Pay، فلا انتظار عند الكاشير. تظهر لك صفحة فيها رمز تسليم من 4 أرقام. اضغط "وصلت" عند وصولك، ويمكنك اختيار الاستلام من السيارة وكتابة رقم اللوحة ولونها. إن تأخرت اضغط "سأتأخر 10 دقائق" (مرتين كحد أقصى وقبل بدء التحضير).

↩️هل يمكنني إلغاء طلب الاستلام واسترداد المبلغ؟

نعم، مجاناً وبالكامل قبل أن يبدأ المطعم التحضير — يظهر لك وقت بدء التحضير في صفحة طلبك. بعد بدء التحضير لا يمكن الإلغاء لأن الطعام يُحضَّر لك خصيصاً. إذا ألغى المطعم طلبك لأي سبب، أو فعّل الإلغاء التلقائي ولم يقبل طلبك خلال المهلة الظاهرة في صفحة طلبك، يُسترد المبلغ كاملاً تلقائياً. يصل المبلغ المسترد لحسابك حسب بنكك، عادة خلال 5 إلى 10 أيام عمل.

⏰ماذا لو تأخرت أو لم أصل؟

ينتظر المطعم طلبك مدة يحددها (60 دقيقة افتراضياً) بعد موعدك. إن لم تصل خلالها يُسجَّل الطلب "لم يُستلم" ولا يُسترد المبلغ، لأن الطعام حُضّر فعلاً — وهذا ما توافق عليه قبل الدفع. تكرار عدم الحضور قد يلزمك بالدفع المسبق في طلباتك القادمة لدى نفس المطعم.

🎁كيف أرسل عزيمة لأحد؟

ادخل صفحة "عزيمة" أو اضغط "اعزم أحداً على هذا الطبق" من منيو أي مطعم يقبل العزايم. اختر ما تهديه: طبق، أو وجبة كاملة من عدة أصناف، أو رصيد بمبلغ ثابت (إن فعّله المطعم) يطلب فيه المستلم ما يحب. ثم بطاقة المناسبة، واكتب رسالتك. أدخل رقم هاتف من تريد إهداءه، ويمكنك إرسالها بدون اسمك (عزيمة سرية). ادفع، فتصله الهدية على الواتساب فوراً. تتابع من "هداياي" متى فتحها واستلمها، ويصلك شكره.

💌وصلتني عزيمة، كيف أستلمها؟

افتح الرابط الذي وصلك على الواتساب، وشاهد بطاقتك ورسالة من عزمك. اضغط "استلم هديتي" وتحقق من رقمك بالرمز — الهدية لا يستلمها إلا صاحب الرقم. اختر "سأصل خلال…" أو "أنا في المطعم الآن"، ثم أظهر رمز التسليم للموظف. تبغى طبقاً آخر؟ يمكنك التبديل بطبق من نفس المطعم، وإن كان أغلى تدفع الفرق فقط. بعد الاستلام يمكنك شكر من عزمك أو رد العزيمة بضغطة.

📅ماذا يحدث إن لم تُستلم الهدية؟

الهدية صالحة للمدة الظاهرة عند الإهداء (30 يوماً افتراضياً)، ونذكّر المستلم قبل انتهائها. إن انتهت دون استلام، يُسترد المبلغ كاملاً لبطاقة المُهدي تلقائياً.

🔒لماذا أسجّل برقم هاتفي؟ ومن يرى بياناتي؟

رقم هاتفك هو حسابك، ونتحقق منه برمز على الواتساب (أو رسالة نصية). لا كلمات مرور. التسجيل يحميك: لا يستطيع أحد استلام طلبك أو هديتك بدون رمز يصل لهاتفك. المطعم يرى اسمك ورقمك لغرض التسليم فقط، والمُهدي يرى حالة الهدية فقط لا موقعك ولا بياناتك. لا نبيع بياناتك ولا نرسل لك إعلانات دون موافقتك.

🔗ما هو كود المطعم مثل #L482؟ وكيف أفتح المنيو به؟

لكل مطعم على مينوفا كود قصير (حرف أو حرفان و3 أرقام) ورابط مثل menova.ae/L482 — تراه على باب المطعم أو في قوقل ماب أو في إعلاناته. امسح رمز QR أو افتح الرابط: إن كان تطبيق مينوفا على هاتفك ينفتح المنيو فيه مباشرة، وإن لم يكن ينفتح على المتصفح فوراً — بدون تسجيل أو تحميل. سمعت الكود في إعلان؟ اكتبه في بحث تطبيق مينوفا أو في صفحة المطاعم، أو اكتب menova.ae/ ثم الكود. انتبه: الملصق الحقيقي يُظهر اسم المطعم والرابط مكتوباً بوضوح. إن اختلف الاسم أو فتح لك موقعاً غريباً فلا تدفع وأبلغ المطعم.

🔕كيف أوقف عروض مطعم على الواتساب؟

تصلك عروض المطعم فقط إذا اخترت "أرغب باستلام العروض عبر واتساب" عند الطلب. لإيقافها اضغط رابط "لإيقاف العروض" الموجود في آخر أي رسالة عرض. طلباتك وتحديثاتها لا تتأثر.

🧾كيف أدفع فاتورة الطاولة من جوالي أو أقسمها مع ربعي؟

امسح QR الطاولة واضغط "الفاتورة": تشوف كل طلبات الطاولة، المدفوع والمتبقي. اختر: الفاتورة كاملة، أو نقسمها بالتساوي (حدد عدد الأشخاص وكم حصة تدفع)، أو "كل واحد أصنافه" وتختار أصنافك فقط. تقدر تضيف بقشيش للفريق إذا فعّله المطعم، وتدفع بالبطاقة أو Apple Pay عبر بوابة المطعم. كل دفعة تظهر لباقي الطاولة فوراً، وأول ما تكتمل الفاتورة يوصل النادل إشعار "الطاولة دفعت". تبي تدفع نقداً؟ اضغط "أدفع للنادل" ويجيك بالفاتورة.

👥كيف أسوي طلب جماعي مع ربعي أو في الدوام؟

من المنيو اضغط "طلب جماعي"، اكتب اسمك، وأرسل الرابط للمجموعة على الواتساب. كل واحد يفتح الرابط من جواله، يكتب اسمه ويختار أصنافه — تنضاف لسلة المجموعة تلقائياً. تشوف كل واحد وش اختار والإجمالي، ولما يخلصون ترسل طلب واحد للمطعم. كل صنف يوصل باسم صاحبه، فإذا كنتم على طاولة يقدر كل واحد يدفع أصنافه من "الفاتورة".

✨نسيت أطلب شي — أقدر أضيفه لطلبي؟

إيه. في صفحة تتبع طلبك يظهر "تبي تضيف شي لطلبك؟" مع اقتراحات، اختر وأضف بضغطة. التوصيل: الإضافة تجي مع نفس الطلب بدون رسوم توصيل جديدة، طالما الطلب ما طلع من المطبخ. الطاولة: تنضاف لطاولتك مباشرة. الاستلام: نجهزها مع طلبك. إذا كان طلبك مدفوعاً إلكترونياً تُدفع الإضافة بنفس الطريقة.

🔁وش يعني "طلبك المعتاد؟"

إذا طلبت من نفس المطعم قبل، يظهر لك أول المنيو طلبك المعتاد (الأصناف اللي تكررها)، وتضيفه للسلة بضغطة. وبعد استلام أي طلب تقدر تضغط "اطلب نفس الطلب مرة ثانية". هالمعلومة محفوظة على هاتفك فقط.

⏱️كيف يشتغل "ضمان الوقت"؟

بعض المطاعم تضمن الوقت: التوصيل خلال مدة محددة، أو الاستلام جاهز عند وصولك. إذا تأخر المطعم عن الموعد المضمون يوصلك تلقائياً كود خصم لطلبك الجاي (يظهر في صفحة طلبك وعلى الواتساب). إذا ضغطت "سأتأخر" في طلب الاستلام، يتأجل الموعد المضمون معك. الطلبات المجدولة لوقت لاحق ما يشملها الضمان.

🛵كيف أتابع المندوب وأستلم طلب التوصيل؟

في صفحة طلبك تشوف المندوب على الخريطة مباشرة مع اسمه وزر الاتصال والواتساب. لما يوصل عند بابك يظهر لك "المندوب وصل". أعطِ المندوب رمز التسليم المكوّن من 4 أرقام الظاهر في صفحة طلبك — هذا يثبت إن الطلب وصل لك أنت. رسوم التوصيل عند بعض المطاعم تُحسب حسب المسافة من موقعك، فشارك موقعك عند الطلب.

🎁كيف أدعو صديق وأكسب خصم؟

بعد طلبك يظهر "شارك واكسب" برابط دعوة خاص فيك. صديقك ياخذ خصم على أول طلب له من المطعم (يُطبّق تلقائياً)، وأنت توصلك مكافأة كود خصم لما يكتمل طلبه. أكوادك (الدعوة وتعويض التأخير) تظهر في صفحة طلبك تحت "أكوادك".

👑وش هو اشتراك المطعم (مثل "قهوتك اليومية")؟

بعض المطاعم تطرح اشتراك شهري: مثلاً قهوة مجانية كل يوم، أو خصم على كل طلب، أو توصيل مجاني. تشترك من زر "الاشتراك" في المنيو برقم هاتفك وتدفع مقدماً للمطعم. المزايا تُطبّق تلقائياً على طلباتك وأنت مسجّل برقمك، والاشتراك ما يتجدد تلقائياً — نذكّرك قبل انتهائه بثلاثة أيام.

🏆ما هو "دوري النجوم"؟ وكيف أقيّم طلبي؟

دوري النجوم ترتيب يتجدد يومياً لأعلى المطاعم والأطباق تقييماً في كل مدينة، من تقييمات آخر 30 يوم. تلقاه في صفحة "دوري النجوم" ورف 🏆 في الدليل والتطبيق. بعد ما يكتمل طلبك تطلع لك في صفحة الطلب "كيف كان طلبك؟": اختر النجوم، ووسوم سريعة (لذيذ، سريع… أو وصل بارد، تأخر…)، وقيّم كل طبق لو حبيت. عندك 14 يوم، وتقييم واحد لكل طلب. يدخل تقييمك الدوري إذا كان "موثّقاً": الطلب من المنيو نفسه (مو من الكاشير)، وأنت مسجّل برقم هاتفك أو دفعت إلكترونياً. صوت واحد لكل رقم ولكل مطعم في الموسم. الترتيب بمتوسط ذكي: مطعم جديد عنده 5 تقييمات ممتازة ما يتفوق على مطعم عنده 200 تقييم ممتاز. وأقل شي 5 تقييمات موثّقة للمطعم و3 للطبق. المطعم ما يقدر يحذف أو يخفي التقييم الموثّق — يقدر يرد عليه بس. وإذا عطيت نجمتين أو أقل تقدر تختار "أبي المطعم يصلحها" فتتحول لشكوى خاصة يتابعها المطعم. اسمك يظهر بالاسم الأول فقط، ورقمك ما يظهر لأحد.

💬كيف أرسل شكوى أو اقتراح؟ ومن يشوفها؟

على مطعم: من المنيو اضغط "💬 شكوى أو اقتراح"، أو من صفحة طلبك "عندك ملاحظة أو شكوى على الطلب؟" — ترتبط بطلبك وتوصل لإدارة المطعم مباشرة. على مينوفا نفسها (التطبيق، الموقع، الدفع، حسابك، أو فكرة جديدة): من صفحة "الشكاوى والاقتراحات" أو من حسابك في التطبيق — توصل لفريقنا. الشكاوى خاصة وما تنشر. ولو حبيت، علّم «أسمح للمطعم ينشر رسالتي» — وقتها المطعم يقرر ينشرها في صفحته مع رده تحت «الشكاوى والاقتراحات» باسمك الأول فقط. الشكوى الصحية العاجلة ما تنشر أبداً. رقمك أو إيميلك اختياري، ويشوفه المطعم (أو فريقنا) فقط للتواصل معك. إذا كتبت عن خطر صحي (حساسية، شيء غريب في الأكل…) نعلّمها "عاجلة" وتنبّه المطعم فوراً. وإذا تحس بأعراض راجع الطبيب مباشرة. بعد الإرسال يوصلك رابط متابعة خاص: تشوف الحالة (وصلت، قيد المتابعة، تم الحل) والرد، وأحياناً كود تعويض لطلبك الجاي يشتغل برقمك فقط.

⚡كيف تشتغل "عروض الحين" والخصم التلقائي؟

بعض المطاعم تفعّل عروض ذكية بدون كود: في وقت معيّن (مثل 3–6 العصر)، أو لأول طلب منها، أو عرض خاطف بكمية محدودة. تشوفها بشارة على بطاقة المطعم ورف "⚡ عروض الحين". الخصم ينحسب تلقائياً في السلة لو طلبك يطابق شروط العرض (الوقت، نوع الطلب، الحد الأدنى). ولو ناقصك شوي للحد الأدنى نقول لك كم تضيف. عرض "أول طلب" للأعضاء برقم موثّق اللي ما طلبوا من المطعم قبل. والعرض ما يجتمع مع كود خصم. العرض المحدود ممكن يخلص وأنت تطلب — وقتها تطلع لك رسالة وتعيد الطلب بدون الخصم أو تختار عرض ثاني.

🚗كيف أستلم طلبي وأنا في السيارة؟

في السلة اختر "استلام" ثم "أستلم من السيارة"، واختر سيارتك (نوعها ولونها ولوحتها). احفظها في حسابك وتصير جاهزة بضغطة المرة الجاية (حتى 3 سيارات). لما توصل اضغط "وصلت" واختر مكان وقوفك (قدام الباب، جنب المحل…)، والموظف يشوف لون سيارتك ولوحتها ويجيب الطلب لك. تقدر تفعّل "بلّغ المطعم تلقائياً أول ما أوصل": موقعك ينفحص على هاتفك فقط وأول ما تقرب 150 متر نبلّغ المطعم — ما نحفظ موقعك.

🛂وش هو "جواز الأكل"؟ وكيف يحميني من الحساسية؟

جواز الأكل تسويه مرة وحدة: وش تاكل (حلال، نباتي، نباتي صرف، بدون جلوتين، بدون حار) ووش تتجنب (مكسرات، ألبان، جلوتين، بيض، مأكولات بحرية، سمسم، صويا، خردل). بعدها أي منيو مينوفا في أي بلد يعلّم لك الأطباق: ✓ يناسبك، ⚠️ ما يناسبك (ويقول ليش)، أو «اسأل المطعم» إذا المطعم ما حدد مكونات الطبق. وتقدر تضغط «اللي يناسبني فقط». إذا فعّلت «بلّغ المطبخ بحساسيتي» تنضاف حساسيتك تلقائياً بالأحمر لكل طبق تطلبه — والمطبخ يشوفها بلغته — وتقدر تشيلها من أي طبق. في دليل المطاعم يطلع لك زر «🛂 يناسب جوازي» يعرض المطاعم اللي عندها خيارات تناسبك (مثل حلال أو بدون مكسرات). تسويه من المنيو («عندك حساسية أو نظام أكل؟») أو من حسابي في التطبيق. ينحفظ في هاتفك، وفي حسابك إذا سجلت دخول عشان يلحقك على كل أجهزتك. مهم: الحكم مبني على ما أعلنه المطعم. إذا حساسيتك شديدة أكّد دائماً مع الموظف قبل الطلب.

✈️وضع السفر وشفافية السعر: وش أعرف قبل ما أطلب في بلد ثاني؟

لما تسافر يغيّر هاتفك منطقته الزمنية تلقائياً، ومينوفا يعرف إنك في بلد جديد بدون ما يسألك عن موقعك. يرحّب فيك بمعلومات تهمك قبل الطلب: العملة، هل الأسعار عادة شاملة الضريبة، رسوم الخدمة الشائعة، عادة البقشيش، والساعة الحين هناك. ويوديك لمطاعم مدن البلد مرتبة حسب «المفضلة عند أهل البلد» — الأكثر طلباً فعلاً. وفي كل منيو شريط «السعر بوضوح»: إما 💯 «السعر اللي تشوفه هو اللي تدفعه»، أو يوضح لك الضريبة والخدمة المضافة بمثال حي (طلب بـ100 = تدفع كذا). وفي السلة يطلع لك الإجمالي المتوقع قبل التأكيد. مينوفا ما تضيف أي رسوم على فاتورتك — كل الأرقام من إعدادات المطعم نفسه. إذا انتقلت تعيش في البلد الجديد اضغط «أعيش هنا» ويختفي وضع السفر.

🏬ما هو فرع مينوفا؟ وماذا أستطيع أن أفعل فيه؟

فرع مينوفا مكان تزوره شخصياً. فيه مكتب الأوسمة الذي يتحقق من أصحاب الأوسمة ويمنحها، وأكاديمية مينوفا لتدريب المطاعم، وقسم الطباعة لستاندات QR واللافتات. إذا طلبت وسام «موثّق» كصانع محتوى، يتواصل معك الفرع لموعد تحقق قصير. نتحقق من هويتك بالنظر فقط، ولا نصوّر الهويات ولا ننسخها أبداً. الأوسمة صالحة لسنة ويجددها الفرع، ويمكن سحبها. ولا يستطيع أي مطعم منح وسام أو بيعه.